Թուրքիայի նախագահ Ռեջեփ Թայիփ Էրդողանը Վատիկանում Հռոմի պապի հետ փետրվարի 5-ին կայանալիք հանդիպումը կարող է օգտագործել Հայաստանի հետ հարաբերությունները նորմալացնելու համար։ Այս կարծիքն է հայտնել Regnum լրատվական գործակալության եկեղեցա-քաղաքական նյութերի գլխավոր խմբագիր Ստանիսլավ Ստրեմիդլովսկին:
«Հնարավոր է, որ Էրդողանը ցանկանա օգնություն խնդրել Հռոմի պապից Հայաստանի հետ հաշտվելու հարցում, ինչը կօգնի նրան լավացնել իր իմիջը միջազգային հարթակում և լուծել հայ-թուրքական հարաբերություններում առկա որոշ հարցեր», – գրել է Ստրեմիդլովսկին:
Ըստ նրա՝ Հռոմի պապը շատ հարմար թեկնածու է` հայ-թուրքական կոնֆլիկտի լուծման գործում որպես միջնորդ հանդես գալու համար, քանի որ Վատիկանը վստահություն է վայելում Հայաստանի կողմից և որևէ կերպ ներքաշված չէ Արցախյան հիմնախնդրի կարգավորման գործընթացում:
Հիշեցնենք, որ Էրդողանի սպասվող այցն անցած 59 տարվա ընթացքում Թուրքիայի նախագահի մակարդակով առաջին այցն է լինելու Վատիկան: Թուրքական մամուլն այն արդեն պատմական է որակել:
http://www.tert.am/am/news/2018/01/17/erdogan-papa/2590468
Leave a Reply