«Ակօս» թերթի գլխավոր խմբագիր Հրանտ Դինքի սպանությունից հետո Թուրքիան ազատ խոսքի նկատմամբ առավել անհանդուրժող է դարձել։ Մարդու իրավունքների պաշտպանության առումով իրավիճակն այդ երկրում վերջին տարիներին ավելի է վատացել։ Panorama.am-ի թղթակցի հետ զրույցում այս մասին ասաց ԳԱԱ արևելագիտության ինստիտուտի տնօրեն, թուրքագետ Ռուբեն Սաֆրաստյանը։
«Այս տարիների ընթացքում Թուրքիայում տեղի են ունեցել գործողություններ, որոնք վկայում են այդ երկրի՝ դեպի Էրդողանի միանձնյա իշխանություն ձգտելու մասին։ Թուրքիայում ստեղծվել է մի այնպիսի համակարգ, որը հնարավորություն չի տալիս ազատ կարծիք հայտնել։ Այն, ինչ մենք տեսանք Դինքի սպանության օրինակով, ազատ ձայնի լռեցում էր անհատի մակարդակով։ Սակայն այժմ ձայնի լռեցումը տեղի է ունենում ոչ թե անհատի, այլ զանգվածային մակարդակով։ Ձերբակալվում են հազարավոր մարդիկ, միայն այն բանի համար, որ մտածում կամ արտահայտվում են ոչ իշխող վերնախավի նման»,- ասաց թուրքագետը։
Թուրքագետն ընդգծեց, որ հաշվի առնելով ազատ խոսքը լռեցնելու թուրքական իշխանության մոլեռանդ ձգտումը՝ զգուշավորություն պետք է ցուցաբերի հատկապես Թուրքիայի խորհրդարանի հայազգի պատգամավոր Կարո Փայլանը:
Panorama.am
Leave a Reply