Թուրքիայում քրդական կուսակցությունը շնորհավորել է հայ երաժիշտ Արամ Տիգրանի ծնունդը

Թուրքիայի քրդական Ժողովուրդների դեմոկրատական կուսակցության (HDP) Ստամբուլի գրասենյակը հայտի հայ երաժիշտ Արամ Տիգրանի ծննդյան առթիվ շնորհավորական ուղերձ է հղել։

HDP–ի շնորհավորական ուղերձում նշվել է. «Քրդական երաժշտության մեծ վարպետ Արամ Տիգրանը 84 տարի առաջ այս օրը ծնվեց»։

Նշենք, որ Մերձավոր Արեւելքի սոխակ համարվող հայազգի երաժիշտը, ով ծնվել է   1934-ին Սիրիայի Քամիշլի քաղաքում, 20 տարեկանից իրեն նվիրել է երաժշտությանը՝ երգելով հայերեն, քրդերեն, թուրքերեն, արաբերեն, հունարեն եւ ասորերեն։  Արամ Տիգրանը մի շարք հայկական ժողովրդական երգեր թարգմանել է՝ երգելով քրդերեն եւ հակառակը։

Արամ Տիգրանի երազանքը՝ թաղվել Դիարբեքիրում, չկատարվեց, քանի որ թուրքական իշխանությունները թույլ չտվեցին հայազգի երաժիշտին թաղել Դիարբեքիրի հայկական գերեզմանոցում։  Այնուամենայնիվ, Դիարբեքիրի հայկական գերեզմանոցում կատարվեց Արամ Տիգրանի խորհրդանշական թաղումը, իսկ արդեն նրա համար փորված գերեզմանի հողը Դիարբեքիրի քաղաքապետ Օսման Բայդեմիրն իր հետ տեղափոխել է Բրյուսել, որտեղ թաղվել է հայտնի հայազգի երաժիշտը։

https://news.am/arm/news/431428.html