«Թուրք ազգ» եզրույթը «Թուրքիայի ժողովուրդ» արտահայտությամբ փոխարինած պատգամավորը կարող է զրկվել մանդատից

Թուրքիայի քրդամետ Ժողովրդադեմոկրատական կուսակցության անդամ, Աղրըից Լեյլա Զանան կարող է զրկվել իր պատգամավորական մանդատից 2015 թ.  խորհրդարանում տեղի ունեցած երդմնակալության ժամանակ «թուրք ազգ» եզրույթը «Թուրքիայի ժողովուրդ» արտահայտությամբ փոխարինելու համար:

Ի սկզբանե պատգամավորի երդումը չէր ընդունվել, և նրան արգելել էին մասնակցել խորհրդարանի նիստերին:

Ինչպես գրում է թուրքական Demokrathaber.org կայքը, 2017 թ. խորհրդարանի ղեկավարությունը Զանային մանդատից զրկելու հարցը ներկայացրել է սահմանադրական և արդարադատության հարցերով հանձնաժողովներին: Այժմ հարցը քննարկման է դրվել խորհրդարանի լիագումար նիստում:

Հատկանշական է, որ Զանան արդեն մեկ անգամ զրկվել է մանդատից: 1995 թ. նրան նախ զրկել են անձեռնմխելիությունից, այնուհետ՝ մանդատից ու ձերբակալել:

http://www.tert.am/am/news/2018/01/10/leyla-zana/2583849