Էրդողանը դատական հայց է ներկայացրել Քըլըչդարօղլուի դեմ

Թուրքիայի նախագահ Ռեջեփ Թայիփ Էրդողանը դատական հայց է ներկայացրել գլխավոր ընդդիմադիր Ժողովրդահանրապետական կուսացության (CHP-ԺՀԿ) նախագահ Քեմալ Քըլըչդարօղլուի դեմ:

Այս մասին տեղեկացնում է թուրքական «Haberler» լրատվական կայքը: Էրդողանի փաստաբան Հյուսեյին Այդընը հայտնել է, որ քեմալական կուսկացության առաջնորդը արտահայտություններ է արել, որոնք խախտում են նախագահի անձնական իրավունքները և նրա հասցեին ծանր վիրավորանքն են պարունակում:

Դատարան ներկայացված հայցադիմումի մեջ մեղադրանքներին որպես ապացույց հղում է արվում Քըլըչդարօղլուի՝ դեկտեմբերի 22-ին խորհրդարանում և դեկտեմբերի 24-ին Էսքիշեհիրում նահանգային կոնգրեսի ժամանակ հնչեցրած արտահայտություններին:

Նախագահ Էրդողանը ընդդիմադիր գործչից բարոյական վնասի փոխհատուցում է պահանջել 250 հազար թուրքական լիրայի (66.500 ԱՄՆ դոլար) չափով:

Ermenihaber.am