Լրատվամիջոցներ. Թուրքիայում հնագետները անտիկ քաղաքների հետքեր են հայտնաբերել

Թուրքիայի կենտրոնական Կայսերի (Կեսարիա) նահանգում հնագիտական պեղումների ընթացքում հայտնաբերվել է բրոնզեդարյա առնվազն 12 հազար կավե ցուցանակ, փոխանցում է “Bir Gün”-ը:

Թերթը գրում է, որ գտածոները ցույց են տալիս, որ այդ տեղանքում կարող էին գտնվել հնագույն ասորական առեւտրական խմբեր:

«Մենք պարզել ենք, որ մեր գտած ցուցանակների տարիքը գերազանցում է 4 հազարը: Այն գրությունները, որոնք մենք կարողացել ենք վերծանել, խոսում են այն մասին, որ Կենտրոնական Անատոլիայում ապրել են ասորի վաճառականներ, որոնք այստեղ են եկել ժամանակակից Իրաքի տարածքից», – արշավախմբի ղեկավարներից մեկի՝ հնագետ Ալի Հորթաչսուի խոսքն է մեջբերում թերթը:

Հայտնաբերված հնությունները վաճառականների միջեւ գործարքների կնքման, նրանց վաճառած ապրանքների եւ այլ ֆինանսական գործողությունների մասին տվյալներ են պարունակում: Հնագետների խոսքով՝ Անատոլիա գալով՝ ասորի վաճառականները իրենց հետ բերել են կտորեղեն եւ անագ, իսկ վաճառված գումարով ձեռք են բերել ոսկի եւ արծաթ:

https://news.am/arm/news/423454.html