Մարդու իրավունքների եվրոպական դատարան դիմած ԺԴԿ պատգամավորների գործով Թուրքիան Եվրոպական դատարան է ուղարկել 130 էջից բաղկացած պաշտպանական ճառ։

Ըստ «DHA» լրատվական գործակալության, Թուրքիան Մարդու իրավունքների եւրոպական դատարան է ուղարկել ԺԴԿ նախկին ղեկավարներ Սելահաթթին Դեմիրթաշի ու Ֆիգեն Յուքսելդաղի, ինչպես նաև նրանց հետ բանտարկված մյուս պատգամավորների գործով 130 էջանոց պաշտպանական ճառը։
ԺԴ կուսակցության  ձերբակալված նախկին ղեկավար Սելահաթթին Դեմիրթաշի, Ֆիգեն Յուքսեքդաղի ու ձերբակալված մյուս պատգամավորների դիմումը քննելու ժամանակ Մարդու իրավունքների եւրոպական դատարանը 2017 թ․ հունիսի 30-ին Թուրքիայից պահանջել էր պաշտպանական ճառ ուղարկել։
ԺԴ կուսակցությունը 2016 թ․ նոյեմբերի 17-ին պատգամավորներին ազատ արձակելու  պահանջով դիմել էր Սահմանադրական դատարան, սակայն պատասխան չէր ստացել ու մայիսի 17-ին դիմել էր Մարդու իրավունքների  եւրոպական դատարան։ Դատարանն էլ Թուրքիայից պահանջել էր հունիսից մինչև հոկտեմբեր ընկած ժամանակահատվածում դատարան ուղարկել պաշտպանական ճառ։ Եվրոպական դատարանը Թուրքիայի կառավարության համար վերջնաժամկետ էր սահմանել հոկտեմբերի 20-ը, որը, սակայն,  երկարացրել էր՝ վերջնաժամկետ նշանակելով նախ՝ նոյեմբերի 10-ը, ապա՝ նոյեմբերի 24-ը։

http://www.agos.com.tr/tr/yazi/19772/turkiye-hdpli-vekiller-icin-aihme-savunma-gonderdi

Թարգմանեց Անի Մելքոնյանը