Մալաթիայում հայ համայնքին պատկանող գրախանութի ապակուն քարով խփած անձը ձերբակալվել է

Թուրքիայի Մալաթիա քաղաքի «Փրկության եկեղեցիների միությանը» պատկանող գրախանութի ապակուն քարով խփելու մեջ կասկածվող անձ է ձերբակալվել։

Թուրքական Yurtgazetesi կայքի փոխանցմամբ՝ Մալաթիայի ոստիկանությունը տարածել է հայտարարություն, որում նշվել է, թե անհայտ անձը քարով խփել է Մալաթիա քաղաքի Իսմեթ փաշա պողոտայի վրա գտնվող «Փրկության եկեղեցիների միությանը» պատկանող գրախանութի ապակուն եւ փախել, որից հետո դեպքի վայր մեկնած ոստիկանությունն արագ հետաքննություն է սկսել։

«Կատարված աշխատանքների արդյունքում պարզվել է, որ հիշյալ արարքը կատարելու մեջ կասկածվում է Օ․Գ․-ն, ով դատախազության հրահանգով ձերբակալվել է։ Հետաքննությունը շարունակվում է»,-նշվել է հայտարարության մեջ։

Նշվում է, որ գրախանութի ներսում գտնվում է «Փրկության եկեղեցիների միության» գրասենյակը, եւ այն պատկանում է հայ համայնքին։

https://news.am/arm/news/423285.html