Ֆրանսիայի նախկին նախագահ Ժակ Շիրակի կողմից հիմնադրված Chirac հիմնադրամը, որի նպատակն է աշխարհում բախումների կանխարգելումը, միջմշակութային երկխոսության խթանումն ու առողջապահության հասանելիության պայմանների որակի բարելավելումը, իր այս տարվա հատուկ մրցանակը շնորհել է Թուրքիայում գործող գործող Հրանտ Դինքի անվան հիմնադրամին: Այս մասին հայտնում է Ստամբուլի հայկական պարբերականներից «Ակօսը»:
«Դինքի հիմնադրամը պաշտպանում է այն միտքը, որ մշակութային բազմազանությունն իրականում հարստություն է, իսկ մարդկանց մեջ եղած տարբերությունները՝ հիմնարար իրավունք: Հիմնադրամը խթանում ու քաջալերում է Հայաստանի և Թուրքիայի միջև մշակութային կապերի զարգացումը: Դինք ընտանիքը քենի և ատելության զգացումին տրվելու փոխարեն՝ տարիներ շարունակ շարունակում է հանդիսանալ Թուրքիայում ժողովրդավարության զարգացման շուրջ տարվող քննարկումների գլխավոր դերակատարներից մեկը: Այս ժամանակաշրջանում, երբ Թուրքիայի տարածքով են անցնում հարյուր հազարավոր ներգաղթյալներ, Դինքի անվան հիմնադրամի՝ կրթական ու դիտորդական ծրագրերը, մամուլում ատելության դրսևորումների դեմ ջանքերն անչափ կարևոր են», – նշվում է Chirac հիմնադրամի տարածած հայտարարության մեջ:
Հրանտ Դինքի անվան հիմնադրամը հիմնվել է 2007թ.-ին Դինք ընտանիքի կողմից, հիմնադրամի նպատակն է նպաստել թուրք և հայ հասարակությունների միջև երկխոսությանն ու Հայաստան-Թուրքիա-Եվրոպա մշակութային փոխգործակցությանը:
Leave a Reply