Նոյեմբերի 2-ին Թուրքիայի հարավարևելյան Շըրնաք նահանգում սպանվել է «Քուրդիստանի բանվորական կուսակցության» (ՔԲԿ-PKK)՝ 1978թ. ծնված կին զինյալ Հուլյա Էրօղլուն (Գյուլբահար կեղծանունով հայտնի):
Վերջինս ըստ թուրքական «Akşam» թերթի կայքի՝ ներառված էր երկրի ամենավտանգավոր «ահաբեկիչների» ցուցակում:
Միջանկյալ նշենք, որ թուրքական իշխանությունները PKK-ին համարում են ահաբեկչական կազմակերպություն:
Էրօղլուի սպանության մասին լուրը հայտնել է Թուրքիայի ներքին գործերի նախարարությունը: Էրօղլուն նաև հանդիսանում էր PKK-ի թևերից մեկի՝ «Քրդական համայնքների միության» (ՔՀՄ-KCK) գործադիր խորհրդի անդամներից մեկը:
Հիշեցնենք, որ նոյեմբերի 2-ին Շըրնաքում Թուրքիայի ուժայինների կողմից իրականացված գործողության հետևանքով սպանվել էր 31 քուրդ զինյալ:
Leave a Reply