Վանում պատմական հայկական եկեղեցին որպես ախոռ է օգտագործվում

Վանի Գևաշ (պատմ. Ոստան) շրջանի Ալթընսաչ գյուղում գտնվող հայկական Սբ. Թովմաս կիսավեր եկեղեցին այժմ օգտագործվում է որպես ախոռ:

Վանա լճի ափից ոչ հեռում 400 մետրանոց բարձունքի վրա 10 կամ 11-րդ դարում կառուցված եկեղեցում ամփոփված են եղել Թովմաս առաքյալի մասունքները: Եկեղեցին 1671 թ. վերանորոգումից հետո վերածվել է վանական համալիրի: Պատերին գանձ որոնողների բացած անցքերի ու շինությանը հասցրած վնասների հետևանքով լքված եկեղեցին այսօր կանգնած է փլուզման վտանգի առջև: Սբ. Թովմաս այցելած թուրքական «Gazetekarinca.com» լրատվական կայքի հետազոտող-լրագրող Իքրամ Իշլերը, կիսվելով իր տպավորությունների մասին, գրում է.  «Մի ժամանակ այստեղ հավատք կար: Քրիստոսի առաքյալները կային: Հնչում էր հոգևոր երաժշտություն, ու պատարագներ էին մատուցվում, սակայն եկել է այն օրը, երբ եկեղեցին որպես ախոռ է օգտագործվում»:

Մի քանի տարի առաջ Վանի զբոսաշրջության վարչությունը եկեղեցին հայտարարել էր զբոսաշրջային գոտի և կոչ արել այցելութուններ կազմակերպել այնտեղ: Հակադարձելով պատկան մարմինների անհետևողականությանը` Իշլերը գրում է, որ եկեղեցի այցելելիս զբոսաշրջիկը ախոռ է տեսնելու ու հիասթափություն ապրելու:

https://www.ermenihaber.am/am/news/