Թուրքիայում լրագրողի դեմ արշավ է սկսվել Ցեղասպանության հուշարձանի մոտ լուսանկարի պատճառով

Թուրք լրագրող Ամբերին Զամանը ԱՄՆ-ում`Բոսթոնի Հայոց ցեղասպանության հուշակոթողի մոտ արված լուսանկար է հրապարակել, որից հետո սոցիալական ցանցերի թուրքական տիրույթում նրա դեմ արշավ է սկսվել:

Լրագրողի դեմ արշավին միացել են նաեւ իշխանամետ որոշ լրատվամիջոցներ եւ Զամանին մեղադրում են հակաթուրքական քայլերի, ահաբեկչական կառույցների խոսնակը լինելու մեջ:

Հայտնի լրագրողը, ով անմասն չէ նաեւ Հայոց ցեղասպանության ճանաչման համար մղվող պայքարից, «Twitter» -ում կատարած հրապարակմանը կից օգտագործել է «Հայոց ցեղասպանության հուշակոթող», «Բոստոն», «այլեւս երբեք» (#ArmenianGenocide memorial, #Boston, #neveragain ) հեշթագերը:

Զամանը Հայոց ցեղասպանության 100-րդ տարելիցին նվիրված «100 վայրկյան» նախագծի մասնակիցներից է եւ նախագծի համար կարդացել է Ցեղասպանությունը վերապրած Սառա Մուրադյանի վկայությունը:

http://armtimes.com/hy/article/124442