Թուրքիայի նախկինում հայաշատ Այնթափ քաղաքի հայկական թաղամասի ոչնչացման վերաբերյալ նյութ է հրապարակել թուրքական GazeteKarinca կայքը: Կայքն իր հրապարակման սկզբում շեշտել է, թե Այնթափում 1915–ի Հայոց ցեղասպանությունից հետո հայերին պատկանող և պատմական արժեք ներկայացնող մի շարք շինություններ վերածվել են մզկիթների կամ սրճարանների:
Հայերի մասին ամենակարևոր հետքը կրող Էբլեհան թաղամասի ամենաբարձրադիր վայրում կառուցված Սուրբ Աստվածածին եկեղեցին 2010–ին վերանորոգման անվան տակ վերածվեց Փրկության մզկիթի։ Բացի այդ, եկեղեցու ներսում գտնված և քրիստոնեության մասին վկայող որմնանկարները ջնջել են:
Կայքը նշել է նաև, որ Այնթափում կան նաև հայերին պատկանած այգիներով և մի քանի հարկից բաղկացած տներ, որոնց մեծ մասը վերածվել է սրճարանների կամ որպես բուտիկ–հյուրանոց է ծառայություն մատուցում տեղացի արտասահմանցի զբոսաշրջիկներին:
Թուրքիայի Այնթափում ջնջվում են հայկական հետքերը. թուրքական կայքի անդրադարձը
•
Leave a Reply