Թուրքիայում զինվորական ծառայության ժամանակ ծառայակցի կողմից սպանված Սեւակ Շահին Բալըքչըի գործը սպանությունից 6 տարի անց նորից է քննվելու, սակայն արդեն քաղաքացիական դատարանում։
Ինչպես տեղեկացնումէ Ստամբուլի հայկական «Ակոս»–ը, Սեւակ Շհին Բալըքչըի գործով դատական առաջին նիստը արդեն քաղաքացիական դատարանում 2018–ի փետրվարի 8–ին։
Նշենք, Նշենք, որ 2011-ի ապրիլի 24-ի առավոտյան Սեւակն սպանվել է մեկ այլ զինծառայող` Քվանչ Աղաօղլուի կողմից: Սպանության հետ կապված ժանդարմերիան հայտարարել է, որ այն տեղի է ունեցել ծառայակից ընկերոջ հետ կատակ անելու ժամանակ, իբր, պատահաբար արձակված կրակոցից։ Սեւակի ծնողները պնդում են, որ իրենց որդուն սպանել են ազգայնականության հողի վրա՝ հայ լինելու համար։
Սեւակ Շահին Բալըքչըի սպանության գործով դատարանը 4,5 տարվա ազատազրկման է դատապարտել Սեւակի զինծառայակից Քվանչ Աղաօղլուին` անփութության հետեւանքով մարդ սպանելու համար:
Սակայն զինվորական վճռաբեկ դատարանը բեկանել էր վճիռն ու որոշում կայացրել գործը զրոյից վերանայել։ Սակայն Թուրքիայում 2016–ի հուլիսի 15–ի հեղաշրջման փորձից հետո հատուկ որոշումով Թուրքիայում վերացվել են ռազմական դատարանները։ Այս որոշումից հետո հայտնի է դարձել, որ Դիարբեքիրի ռազմական դատարանում ընթացող Սեւակ Շահին Բալըքչըի սպանության գործը տեղափոխվելու է Քոզլուքի քաղաքացիական դատարան։
Leave a Reply