Գրվում է Քաչքար լեռների մահվան դատավճիռը

«Կանաչ Ճանապարհ» նախագծից, Այդեր յայլան Թուրքիայի կառավարության բնակարանաշինության վարչությանը (TOKİ) հանձնելուց, յայլաղներում փոփոխությունուններ անելու  քայլերից ու Ռիզեի նահանգապետի մեկնաբանությամբ պարզ է դառնում, որ   Քաչքար լեռների վրա նախատեսում են քանդումներ կատարել՝  տարածքները վարձակալությամբ տալու նպատակով: Քաչքար լեռներում նախատեսվում  է կառուցել  «Այդեր յայլայի նման 11 նոր հանգստավայր»:

Ռիզեի նահանգապետ Էրդողան Բեքթաշը նշել է, որ վերջին տարիներին շրջանի նկատմամաբ աճող հետաքրքրությունը պետք է  ընդլայնել՝ տուրիստական այլ վայրեր ստեղծելով, ապա ասել է․ «Սրանից ելնելով՝ Այդերի նման պայմաններ ունեցող ևս 11 վայր ենք հայտնաբերել: Այդերի հետ միասին այս 12 վայրերը իրար կապելու, տրանսպորտի և ենթակառուցվածքների խնդիրները լուծելու նպատակով  մրցույթներ ենք հայտարարել»:

Շրջանի տուրիստական ներուժն օգտագործելու ու տուրիզմն աշխուժացնելու նպատակով պլանավորվում է կառուցել Թուրքիայի ամենամեծ լեռնադահուկային հանգստավայրը, որը սկսվելու է Այդեր յայլայից և գործելու է և՛ ամռանը, և՛ ձմռանը: Ծրագիրը նախատեսվում է իրականացել մոտ 9 տարվա ընթացքում, 3 փուլով.  այն կարժենա մոտ 70 մլն եւրո: Նշվում է, որ  «կառուցիր-աշխատեցրու-փոխանցիր» մոդելով հայտարարված մրցույթին մասնակցելու համար արդեն 4 ֆիրմա հայտ է ներկայացրել:

Բեքթաշն ուշադրություն է հրավիրում  նաև այն փաստի վրա, որ Ռիզե-Արդվին օդանավակայանի կառուցման աշխատանքների ավարտից հետո շրջանի նշանակությունը բարձրացել է և օդանավակայնից Այդեր հասնելու համար մնում է անցնել 48 կմ ճանապարհ: Նա նշում է, որ  Քաչքարի լեռներում միայն ձմեռային տուրիզմ չէ, որ կարելի է կազմակերպել. դրանք նաև կարող են դառնալ գարնանային ու ամառային տուրիզմի կազմակերպման գրավիչ  կենտրոններ:

Բեքթաշն, ով ընդգծել է Քաչքարի լեռների կարևորությունն էկոտուրիզմի ոլորտում, ասել է. ‹‹Քաչքարի լեռների բնության գեղեցկությունների համար ‹‹Կանաչ ճանապարհ նախագծով›› յայլաղները Սամսունից մինչև Արդվին իրար են կապվում: Միայն թե Ռիզեի մասում փոքրիկ թերություններ կան: Այդ մասն էլ, եթե խնդիր չառաջանա, կարճ ժամանակահատվածում կկարողանանք կապել մյուսներին: Հնարավոր չէ, որ բոլորը կարողանան օգտագործել Սամսունից Արդվին գնացող լեռնային ճանապարհը: Զուգահեռ  ձգվող ուղիներ  կառուցելու հետ մեկտեղ յայլաղներն իրար կապող ուղղաձիգ ճանապարհներ  կառուցելու համար էլ ենք աշխատանքներ կատարում››:

Այստեղ եղանակային, ջրային, տարածքային հնարավորությունները սահմանափակ են: Այդերում միայն 3500 մահճակալ կարող ենք տեղավորել։ Մարդիկ գիտեն այս շրջանի մասին և ուզում են տեսնել այն։ Վերջին տարիներին շրջանի նկատմամբ աճող հետաքրքրությունը պետք է ավելի մեծացնենք՝ տուրիստական այլ վայրեր ստեղծելով։ Սրանից ելնելով՝ Այդերի նման պայմաններ ունեցող ևս 11 վայր ենք հայտնաբերել: Այդերի հետ միասին այդ 12 վայրերի տրանսպորտի և ենթակառուցվածքների խնդիրները լուծելու նպատակով մրցույթներ ենք հայտարարել։ Կառուցելու ենք հովիտների երկայնքով ծովից դեպի յայլաղ գնացող անտառային ճանապարհի դեպի վեր ձգվող ուղիները։ Բացի այդ՝ 11 վայրերի կառուցման նախագծերի համար մրցույթ ենք հայտարարել։ Ապագայում փակուղու առաջ չկանգնելու  նպատակով, ինչպես եղավ Այդերի դեպքում, անհրաժեշտ ենթակառուցվածքները կառուցելու համար իրավական ծրագիր ենք մշակում »։

http://karadenizisyandadir.net/kackarlarin-olum-fermani-yaziliyor/

Թարգմանեց Անի Մելքոնյանը