Զբոսաշրջիկների հետաքրքրությունը մեծանում է Նեմրութ լեռան նկատմամբ

UNESCO-ի համաշխարհային ժառանգության մեջ ներառված` Թուրքիայի Ադըյաման նահանգի Քահթա շրջանում գտնվող հայտնի Նեմրութ լեռ (3050մ) 9 ամսում այցելել է 52.000 զբոսաշրջիկ, որից 2000-ը օտարերկրացիներ են եղել:

Ըստ թուրքական «Star» թերթի կայքի՝ այդ մասին հայտարարել է Ադըյաման նահանգի մշակույթի և տուրիզմի հարցերով զբաղվող վարչության տնօրեն Մուստաֆա Էքինջին:

Թուրք պաշտոնյայի խոսքերով՝ այժմ իրենք աշխատանքներ են իրականացնում, որպեսզի զբոսաշրջիկները հեշտությամբ հասնեն լեռ, քանի, որ ճանապարհը անբարեկարգ է:

Հիշեցնենք, որ Նեմրութ լեռան վրա է գտնվում Երվանդունիների հայկական թագավորության կրտսեր ճյուղի՝ Կոմմագենեի թագավորության  թագավոր Անտիոքոս 1–ի դամբարանը, որը մոտ 50 մետր բարձրությամբ բլրաձև ավազախումբ է, և որի ներսում, ըստ պնդումների, թաղված է Անտիոքոսը:

Լեռան արևելյան եւ արևմտյան կողմում Անտիոքոս 1-ինի կողմից կանգնեցվել են Արամազդի, Անահիտի, Միհրի, Տիրի եւ Վահագնի` մոտ 9 մետր բարձրությամբ արձանաշարքերը:

Ermenihaber.am