Պոլսո Հայոց պատրիարքարանի Եկեղեցական խորհրդի նախագահ Սահակ Մաշալյանը, Ստամբուլի հայկական Սուրբ Փրկիչ հիվանդանոցի ղեկավար Պետրոս Շիրինօղլուն, Պոլսո Հայոց պատրիարքի ընտրության կազմակերպմամբ զբաղվող նախաձեռնող խմբի նախագահ Սարգիս Քյուլեգեչը և Պոլսո պատրիարքի նախկին փոխանորդ Արամ Աթեշյանը հանդիպել են Ստամբուլի նահանգապետ Վասիփ Շահինի հետ:
«Ակօսը» հայտնում է, որ նահանգապետարանում քննարկվել է Պոլսո Հայոց պատրիարքի ընտրության հարցը, որի ամսաթիվը հստակեցնելու համար պատրիարքարանը սպասում էր նահանգապետարանի պաշտոնական հաստատմանը: Նահանգապետը հանդիպման ընթացքում հայտնել է, որ հետևում է գործընթացին և հետաքրքրվում զարգացող իրադարձություններով, նա խնդրել է փոխանցել հայ համայնքի անդամներին, որ ընտրությունների կազմակերպման հետ կապված` անհանգստանալու կարիք չկա:
http://www.irates.am/hy/1508997772
Leave a Reply