Հայոց ցեղասպանության մասին ֆիլմը լավագույնն է ճանաչվել Կալիֆոռնիայի փառատոնում

Հայոց ցեղասպանության մասին պատմող «Crows of the Desert» («Անապատի ագռավները») վերնագրով ֆիլմը լավագույն վավերագրական ֆիլմ է ճանաչվել նախօրեին ամերիկյան Գլենդել քաղաքում (Կալիֆորնիա) տեղի ունեցած միջազգային կինոփառատոնի ընթացքում:

Ֆիլմը նկարահանվել է ամերիկաբնակ հայ գրող Լեւոն Փառիյանի գրքի հիման վրա: Գրքում հեղինակը պատմում է իր պապի՝ Ցեղասպանության ժամանակ օսմանյան զինվորներից փախչելու եւ հազարավոր հայերի փրկելու մասին:

Մեկ ժամ տեւող ֆիլմի ռեժիսորը ամերիկացի Մարտա Հուսկն է: Ֆիլմի պրեմիերան կայացել է ԱՄՆ-ում, 2016 թ.:

http://haydzayn.am/p/53731