Այս տարի Գերմանիային քաղաքական ապաստանի դիմում ներկայացրած և դրական պատասխան ստացած Թուրքիայի քաղաքացիների թիվը չորս անգամ ավելի է եղել, քան 2016թ.: Այս մասին գրում է գերմանական Deutsche Welle-ի թուրքալեզու ծառայությունը:
Այսպես՝ 2016թ. Գերմանիայից ապաստան խնդրած Թուրքիայի քաղաքացիների դիմումներից բավարարվել է միայն 6.6 տոկոսը, մինչդեռ այս տարվա առաջին 9 ամիսների ընթացքում միայն այդ ցուցանիշը հասել է 24.6 տոկոսի:
Միայն սեպտեմբեր ամսին Գերմանիայից ապաստան խնդրած Թուրքիայի քաղաքացիներից 36.6 տոկոսի դիմումները բավարարվել են երկրի իշխանությունների կողմից:
Նշենք, որ 2017 թ. ավելի քան 600 թուրք պաշտոնյա ապաստան է խնդրել Գերմանիայի իշխանություններից: Պաշտոնյաներն այսկերպ փորձում են խուսափել 2016 թ. հուլիսին տեղի ունեցած ռազմական հեղաշրջման փորձից հետո իշխանությունների սկսած հետապնդումներից։
Հիշեցնենք, որ 2016 թ. հուլիսի 15-ին Թուրքիայում տեղի է ունեցել ռազմական հեղաշրջման փորձ: Դրան հաջորդել են ձերբակալությունները երկրի զինված ուժերում և այլ կառույցներում, փակվել են բազմաթիվ թերթեր, կազմակերպություններ, կենտրոններ, երկրում հայտարարվել է արտակարգ դրություն:
http://www.tert.am/am/news/2017/10/18/turkey-germany/2515171
Leave a Reply