Թուրքիայի զինվորականները եւ զրահատեխնիկան մտել են Սիրիա

Թուրքիայի զինված ուժերը, «Ջեբհաթ Ան Նուսրայի»» զինյալների ուղեկցությամբ, մտել են Սիրիայի Իդլիբ նահանգ դիտարկման կենտրոններ ստեղծելու պատրվակով՝ համաձայն «Աստանա-6»-ի՝ Սիրիայում դեէսկալացիային գոտու ստեղծման մասին որոշման, հաղորդում է Sana-ն:

Թուրքիայի Գլխավոր շտաբի հայտարարության մեջ ասվում է, որ զորքերի մուտքը Իդլիբ իրականացվում է դիտորդական կենտրոնների ստեղծման համատեքստում:

Բազմաթիվ լրատվամիջոցներ հաղորդել են  Էրդողանի ուժերի եւ «Հեյաթ Թահրիր Աշ-Շամի» կազմավորման ահաբեկիչների միջեւ ուժերի համակարգման մասին, որոնց մեծամասնությունը «Ջեբաթ Ան-Նուսրա»-ի զինյալներն են:

Reuters-ը եւ թուրքական լրատվամիջոցները շեշտել են, որ «Ջեբաթ Ան Նուսրա»-ի զինյալները ուղեկցել են թուրքական ուժերին Իդլիբ նահանգի Բաբ Ալ Խավա անցակետը հատելու ժամանակ:

https://news.am/arm/news/415314.html