Թուրքիայում 15 շրջաններ հատուկ անվտանգության գոտի են հայտարարվել

Թուրքիայի Էլյազըղ (պատմ. Խարբերդ) նահանգի 15 շրջաններ 15 օրով հայտարարվել են հատուկ անվտանգության գոտի։ Որոշումը պայմանավորված է այդ շրջաններում անցկացվելիք ռազմական գործողություններով։
Էլյազըղի նահանգապետարանի կողմից արված հայտարության մեջ ասվում է.
«Ահաբեկչության դեմ պայքարի շրջանակներում անցկացվող օպերացիաների պատճառով, մարդկանց կյանքի և ունեցվածքի անվտանգությունն ապահովելու համար Ալաջաքայա, Արըջաք, Քարաքոչան և Փալու գավառներում 15 շրջաններ 15 օրով հայտարարվում են հատուկ անվտանգության գոտի։ Վերոնշյալ ժամանակատվածում, անվտանգության նկատառումներից ելնելով, մուտքը այս շրջաններ արգելվում է»։

https://www.ermenihaber.am/am/news/2017/10/07/%D5%A7%D5%AC%D5%B5%D5%A1%D5%A6%D5%A8%D5%B2/114293