Թուրքիայի ԱԳՆ-ի խոսնակն անդրադարձել է թուրք գործիչների՝ Արցախ կատարած այցին

Թուրքիայի արտգործնախարարության խոսնակն արձագանքել է թուրք մտավորականների ու հասարակական գործիչների՝ սեպտեմբերի 22-ին Արցախ կատարած այցին: ԱԳՆ-ի պաշտոնական կայքում տեղադրված գրությունը վերնագրված է «ԱԳՆ խոսնակ Հյուսեյին Մյուֆթուօղլուի պատասխանը Ադրբեջանի օկուպացված հողեր կատարած այցի մասին հարցին»:

Հայտարարության մեջ նշվում է, որ Թուրքիան արդեն քառորդ դար Ադրբեջանի հետ համերաշխության մեջ է գտնվում՝ վերջինիս «հողերի 1/5-ի օկուպացիային վեջ դնելու նպատակով»:

«Մեր 4 քաղաքացիների վերջերս կատարած այցելությունը Ադրբեջանի օկուպացված տարածքներ կատարվել է առանց պետական մարմինների հետ խորհրդակցելու, իրենց անհատական նախաձեռնությամբ և որևէ կերպ չի արտացոլում Թուրքիայի պաշտոնական քաղաքականությունը»,- ասված է հայտարարության մեջ:

Հայտարարության վերջում Մյուֆթուօղլուն ևս մեկ անգամ հիշեցրել է, որ Թուրքիան շարունակում է եղբայրական Ադրբեջանի կողքին լինել՝ պաշտպանելով վերջինիս «արդար դատը»:

https://www.ermenihaber.am/am/news/2017/09/30/%D4%B9%D5%B8%D6%82%D6%80%D6%84%D5%AB%D5%A1-%D4%B1%D4%B3%D5%86-%D4%B1%D6%80%D6%81%D5%A1%D5%AD/113633