Թուրքիան պատրաստվում է կիրառել առաջին պատժամիջոցը Քրդստանի դեմ

Թուրքիայի վարչապետ Բինալի Յըլդըրըմը հեռախոսազրույց է ունեցել Իրանի Իսլամական Հանրապետության (ԻԻՀ) փոխնախագահ Իսհակ Ջիհանգիրիի հետ:

Թուրքական «Haberler» լրատվամիջոցի հաղորդմամբ՝ հեռախոսազրույցից հետո Յըլդըրըմը, լրագրողներին հայտնել է այն պատժամիջոցի մասին, որն իրանական կողմը ցանկացել է` Անկարան կիրառի իրաքյան Քրդստանի նկատմամբ:

Ըստ այդմ՝ կարգելվի Բարզանիի՝ Քրդստանի դեմոկրատական կուսակցության (KDP) պատվիրակության մուտքը Թուրքիա:

«Այդ հարցի վերաբերյալ հստակ քայլեր են արվելու: Այս պահին KDP-ի Թուրքիայի գրասենյակի պաշտոնյան Հյուսային Իրաքում է: Իրաքի խորհրդարանի ընդունած որոշման շրջանակներում, ինչպես նաև անցակետերի և օդանավակայանների վերաբերյալ որոշումից հետո այսուհետև Թուրքիայն բանակցելու է Բաղդադի հետ: Դա վերաբերում է նաև նավթի արտահանմանը »,-ասել է Թուրքիայի վարչապետը:

https://www.ermenihaber.am/am/news/2017/09/28/%D4%B9%D5%B8%D6%82%D6%80%D6%84%D5%AB%D5%A1-%D4%B2%D5%A1%D6%80%D5%A6%D5%A1%D5%B6%D5%AB/113551