Ստամբուլում նշվել է հայաշատ Քումքափը (Գում Գափու-Ակունքի խմբ.) թաղամասի Սուրբ Հարություն հայկական եկեղեցու հիմնադրման 162-ամյակը, այս մասին հայտնում է «Ակօսը»:
Հանդիսավոր արարողության բացումը կատարել է Ստամբուլի հայկական «Պողոսյան – Վարվարյան» հոգևոր երգչախումբը:
Ներկա են գտնվել Պոլսո Հայոց պատրիարքարանի մի շարք բարձրաստիճան հոգևորականներ: Պատարագ է մատուցել քահանա Մաղաքյա Բեսքիսիզյանը:
«Ակօսը» նշում է, որ Սուրբ Հարություն եկեղեցու տարածքի մի մասը Ստամբուլի հայ համայնքը պատրաստ է նվիրաբերել Ստամբուլում հայտնված հայաստանցի ընտանիքների երեխաների նոր դպրոցի համար, սակայն բյուրոկրատական որոշ դժվարությունների հետևանքով գործընթացը դանդաղում է:
Սուրբ Հարություն եկեղեցին Ստամբուլում հիմնադրվել է 1855թ. և ժողովրդի շրջանում առավել հայտնի է «Քումքափըի եկեղեցի» անվանմամբ:
Leave a Reply