Թուրքիայի քրդական Ժողովուրդների դեմոկրատական (HDP) կուսակցությունը ապրիլի 16–ին սահմանադրական փոփոխությունների հանրաքվեի արդյունքները չեղարկելու համար դիմել է Սահմանադրական դատարան։
Թուրքական Sözcü պարբերականի փոխանցմամբ՝ HDP–ի անունից կուսակցության փոխնախագահ Ֆաթմա Քուրթուլանը Սահմանադրական դատարան դիմած հայցում նշել է, թե հանրաքվեի ընթացքում խախտվել են Սահմանադրության մի շարք կետեր, որի համար անհրաժեշտ է հանրաքվեի արդյունքները անվավեր ճանաչել։
Նշենք, որ ապրիլի 16–ին տեղի ունեցած Սահմանադրական փոփոխությունների հանրաքվեին «այո»–ն ստացել էր 51.4 տոկոս։ Ընդդիմությունը վիճարկում է այս թվի ճշգրտությունը՝ պնդելով, որ Կենտրոնական ընտրական հանձնաժողովն անթույլատրելի քայլով անվավեր քվեաթերթիկները հաշվել է «այո»–ի օգտին։
Leave a Reply