Ցեղասպանութեան զոհերը դեռ արդարութեան կը սպասեն. Կարօ Փայլան

ՊՈԼԻՍ.- «Իմ պապերս, անոր սերունդները եւ բոլոր սերունդները դեռ արդարութեան կը սպասեն», յայտարարած է Թուրքիոյ քրտամէտ Ժողովուրդներու ժողովրդավարական կուսակցութեան (HDP) հայ պատգամաւոր Կարօ Փայլան:

Ըստ թրքական «Պիրկիւն» թերթին՝ Կարօ Փայլան յայտարարած է, թէ չառերեսուած որեւէ յանցանք կը շարունակէ յանցանք մնալ: «Այդ բոլորին վերջ տալու համար անհրաժեշտ է առերեսում», ըսած է ան:

Նշենք, որ Կարօ Փայլան Ապրիլ 24ին մասնակցած է Պոլսոյ մէջ Հայոց Ցեղասպանութեան 102րդ տարելիցին առթիւ տեղի ունեցած շարք մը սգոյ ձեռնարկներուն:

Asbarez.com