Թուրքիայի նախարարների խորհուրդը եւս երեք ամսով երկարացրել է արտակարգ դրության ռեժիմը։ Հիմա որոշումը պետք է հաստատի երկրի խորհրդարանը, հայտնում է AP–ը։
Ավելի վաղ հայտնել էին, որ Թուրքիայի ազգային անվտանգության խորհուրդը խորհուրդ է տվել երկարացնել արտակարգ դրության ռեժիմը։ Թուրքիայի անվտանգության խորհրդի հայտարարության մեջ նշվում է, որ խորհուրդ է տրվում երկարացնել ԱԴ ռեժիմը` «քաղաքացիների իրավունքների ու ազատությունների պաշտպանությանն ուղղված միջոցառումների ապահովման» համար։
Հիշեցնենք, որ Թուրքիայում արտակարգ դրության ռեժիմը սահմանվել է անցած տարվա հուլիսին տեղի ունեցած պետհեղաշրջման փորձից հետո։
Leave a Reply