Կիպրոսի խորհրդարանը միջազգային հանրությանը կոչ է անում ճանաչել Հայոց ցեղասպանությունը

Կիպրոսի խորհրդարանը դատապարտել է Հայոց ցեղասպանությունը՝ միջազգային հանրությանը կոչ անելով հանցագործությունը ճանաչել:

Խորհրդարանի նիստի իր ելույթում խոսնակ Դեմետրիս Սիլուրիսը նշել է, որ Օսմանյան կայսրությունում Հայոց ցեղասպանությունից հետո ավելի քան 100 տարի է անցել, սակայն Թուրքիան  մինչեւ հիմա հրաժարվում է ճանաչել 1,5 միլիոն հայերի սպանությունը, հայտնում է Famagusta Gazette-ն:

Սիլուրիսը միջազգային հանրությանը կոչ է արել ճանաչել եւ դատապարտել Հայոց ցեղասպանությունը:

Խորհրդարանում հայ համայնքի ներկայացուցիչ, պատգամավոր Վարտկես Մահդեսյանն իր հերթին հայտարարել է, որ Հայոց ցեղասպանության մեղավորները անպատիժ են մնում:

Նա նշել է, որ ավելի քան 100 տարվա ընթացքում հայերը պահանջում են պատմական անհերքելի փաստերի լիակատար ճանաչում:

https://news.am/arm/news/383662.html