Թուրքիայում արգելվել է նախընտրական քարոզարշավի քրդերեն երգը

Մերսինի դատարանի որոշմամբ արգելվել է նախընտրական քարոզարշավի շրջանակներում քրդամետ Ժողովուրդների դեմոկրատական կուսակցության (HDP) կողմից «Ոչ ասեք» երգի հնչեցումը: Երգը քրդերեն է:

Ըստ թուրքական «Haberler» լրատվամիջոցի` դատարանի որոշման մեջ նշվում է, թե երգի մեջ տեղ գտած «Ո՛չ ասենք մեկ դրոշին, ո՛չ ասենք մեկ ազգին, ո՛չ ասենք մեկ լեզվին» խոսքերը չեն համապատասխանում Թուրքիայի սահմանադրությանը, քանի որ վերջինիս մեջ ասվում է, որ «Թուրքիայի Հանրապետությունում երկիրը և ազգն անբաժանելի ամբողջություն են»:

Բացի այդ, Թուրքիայի պետական լեզուն հանդիսանում է թուրքերենը, այլ ոչ թե քրդերենը: Շեշտվում է նաև, որ երգը ժողովրդին դրդում է «ատելության և թշնամանքի»:

Թուրքական աղբյուրը երգը որակել է որպես «սկանդալային»:
Այն տեղադրված էր նաև ԺԴԿ-ի պաշտոնական կայքում:

Ermenihaber.am