Պոլսո հայոց փոխպատրիարք արք․ Աթեշյանը, Կրոնական ժողովի ատենապետ, եպիսկոպոս Մաշալյանը, Տրդատ քահանա Ուզունյանը հանդիպել են Ստամբուլի փոխնահանգապետ Ազիզ Մերջանի հետ եւ քննարկել է Հայոց պատրիարքի ընտրությունների շուրջ ստեղծված իրավիճակը:
Ինչպես տեղեկացնում է Ստամբուլի հայկական «Ակoս»-ը, եպիսկոպոս Մաշալյանը նշել է, թե հանդիպման ժամանակ փոխնահանգապետն ասել է, թե առանց համապատասխան պետական ընթացակարգերի է ընտրվել տեղապահը, որը չէր կարող ընդունվել պետության կողմից։
Մաշալյանը նշել է, թե հայ համայնքը պատրիարքի ընտրությունը արագացնելու միտում չունի, բայց պատրիարքի ընտրության հետ կապված ճգնաժամը վաղուց գոյություն ունի, որը պետք է լուծվի։ Մաշալյանը փոխնահանգապետի խոսքին ի պատասխան շեշտել է, թե պետությունը երբեք տեղապահի ընտրության հարցին չի միջամտել։
Իր խոսքում Ստամբուլի փոխնահանգապետը նշել է, թե պետությունը ցանկություն չունի միջամտել եկեղեցու ներքին հարցերին, սակայն իրենց համար մինչ ընտրությունները արք․ Արամ Աթեշյանը հանդիսանում է փոխպատրիարք, իսկ սահմանադրական բարեփոխումների հանրաքվեից հետո արդեն ընթացք կտրվի պատրիարքի ընտրության նախապատրաստությանը։
Leave a Reply