2016թ. Թուրքիայի բնակչության ներքին տեղաշարժերի պատկերը

Թուրքիայի վիճակագրական ընկերությունը (TÜİK) ուշագրավ տեղեկություններ է հրապարակել երկրի ներսում բնակչության տեղաշարժերի՝ ներքին գաղթի վերաբերյալ:

Թուրքական «Birgün» թերթի կայքի տեղեկացմամբ՝ 2016թ. ընթացքում 5 մլն 238.806 մարդ Թուրքիայի ներսում գաղթել է մի նահանգից մյուսը: Ընդ որում, Թուրքիայի նահանգներից 36-ի դեպքում նահանգից արտագաղթողների թիվը գերազանցել է ներգաղթողների թվին, իսկ մնացած 45 նահանգում, ընդհակառակը, գերակշող է եղել ներգաղթը:

Մասնավորապես, նահանգների մակարդակով ամենից շատ արտագաղթ է գրանցվել Թուրքիայի Հաքքարի, Աղրը, Շըրնաք, Թունջելի, Կարս, Մուշ, Վան, Քիլիս, Արդահան, Բիթլիս նահանգներից:

Իսկ այլ նահանգներից ամենամեծ թվով բնակիչներ ընդունած նահանգների թվում հատկապես աչքի են ընկել Բայբուրթը, Գյումուշհանեն, Գիրեսունը, Թեքիրդաղը, Բոլուն, Օրդուն, Քոջաելին, Քարաբյուքը, Դյուզջեն:

Ermenihaber.am