Թուրքիայում պաշտոնից հեռացրեցին վերջին քուրդ քաղաքապետին

Թուրքիայի ՆԳ նախարարությունը, կրկին առանց հիմնավորման, աշխատանքից ազատել է Աղրըի (Բագավան) քուրդ քաղաքապետ Սըրրը Սաքըքին։

Թուրքական Cumhuriyet պարբերականի փոխանցմամբ՝ քրդական Ժողովրդավարական շրջաններ (DBP) կուսակցության վերջին քաղաքապետին էլ աշխատանքից հեռացնելուց հետո ՆԳ նախարարությունը Աղրըի քաղաքապետարան է ուղարկել հարկադիր կատարողի՝ ժամանակավոր կառավարման համար։

Հիշեցնենք, որ Սըրրը Սաքըքը պատգամավոր եղած ժամանակ ամբիոնից հայտարարել էր, թե Թուրքիայում հայերին կոտորելու մշակույթ կա, իսկ Մուշում հայկական թաղամասի քանդման հետ կապված կոչ էր արել չքանդել 100 տարի առաջ ցեղասպանության ենթարկված հայերի տները։

https://news.am/arm/news/376283.html