Թուրքիայի Սահմանադրական դատարանի կողմից մերժում ստանալուց հետո որոշում է կայացրել դիմել ՄԻԵԴ։
Ինչպես տեղեկացնում է Ստամբուլի հայկական «Ակօս»-ը, Թուրքիայի Սահմանադրական դատարանը մերժել է Ժողովուրդների դեմոկրատական կուսակցության հայ պատգամավոր Կարո Փայլանի հայցը` կապված մեջլիսում իր խոսքերը արձանագրությունից հանելու ու իրեն 3 նիստ չմասնակցելու պատիժը բողոքարկելու հետ կապված։
Կարո Փայլանը Թուրքիայի խորհրդարանում ելույթի ժամանակ խոսել էր Հայոց ցեղասպանությունից, որից հետո խորհրդարանի ղեկավարությունը Կարո Փայլանին որպես պատիժ արգելել էր 3 նիստի մասնակցել, ինչպես նաեւ` խորհրդարանի նիստի արձանագրությունից հեռացրել էր Հայոց ցեղասպանության հետ կապված հատվածը։
Կարո Փայլանը ՍԴ–ից մերժում ստանալուց հետո որոշում է կայացրել դիմել ՄԻԵԴ։ «Երանի Թուրքիայի դատարանն այս հարցի լուծումը տար։ Իմ հանդեպ կայացրած որոշումը հարված էր ժողովրդավարությանը։ Քանի որ մեր դատարանը այդ որոշումը չի չեղարկել, ես դիմելու եմ ՄԻԵԴ»,–ասել է Կարո Փայլանը։
Leave a Reply