«Համշեներենն անհետանալու վտանգի տակ է». թուրքական հեռուստաընկերությունը` համշենցիների մասին

Ինչպես ավելի վաղ հաղորդել էր «Ակօսը», փետրվարի 21-ին` Մայրենի լեզվի միջազգային օրը, Թուրքիայի համշենցիները համերգ են կազմակերպել Ստամբուլում, որտեղ երգեր են ներկայացրել են հայոց լեզվի Համշենի բարբառով: Մասնավորապես համշենցիների «Վովա» խումբը համշենական երգի երեկո էր կազմակերպել Ստամբուլի ակումբներից մեկում: Թուրքական CNN հեռուստաընկերությունն անդրադարձել է այդ համերգին:

Akunq.net-ի փոխանցմամբ` հաղորդման ընթացքում նշվում է, որ համշեներենը, այսինքն` հայոց լեզվի Համշենի բարբառը, հայտնվել է անետացման վտանգի տակ գտնվող լեզուների շարքում, և որ Մայրենի լեզվի միջազգային օրը մի համերգ է կազմակերպվել Ստամբուլում, որտեղ ներկայացվել են համշենական երգեր: Ըստ հաղորդման` համշեներեն խոսող մարդկանց թիվը Թուրքիայում կազմում է 30-40 հազար: Նշվում է նաև, որ համշեներենի անհետացման պատճառներից մեկն ուրբանիզացիան է:

Akunq.net