Ինչպես թուրք հայտնի ցեղասպանագետ Թաներ Աքչամը ևս արձանագրում է «Հայերի բռնի իսլամացումը. լռություն, ժխտում և ուծացում» գրքում, օսմանյան իշխանությունները Հայոց ցեղասպանության ընթացքում կրոնափոխված հայերին որոշ ժամանակ, մասնավորապես մինչև 1915 թ. հուլիսի 1-ը, թույլ են տվել, դավանափոխ լինելու դեպքում, զերծ մնալ տեղահանությունից, սակայն հուլիսի 1-ից մինչև նույն տարվա նոյեմբերի 4-ն արգելվել է հավատափոխ հայերի համար նման բացառություն անելը: Արդ, ստորև Akunq.net-ը հրապարակում է 1915 թ. նոյեմբերի 4-ին Թալեաթի կողմից Օսմանյան կայսրության բոլոր նահանգապետերին ուղարկված օսմաներեն հեռագրի պատճենը և դրա արևմտահայերեն թարգմանությունը: Սույն փաստաթղթից պարզ է դառնում, որ վերստին թույլ տրված կրոնափոխությունը ոչ բոլորին է վերաբերում և կարգավորվում է` ըստ որոշ սկզբունքների. կրոնափոխությունը մինչ այդ իրենց գտնված վայրում մնալու թույլտվություն ստացած հայերից միայն նրանց է թույլ տրվելու, որոնց դիմումները կընդունվեն:
Արևմտահայոց հարցերի ուսումնասիրության կենտրոնն իր երախտագիտությունն է հայտնում այս կարևոր փաստաթուղթն արխիվում հայտնաբերած, թարգմանած և կենտրոնին տրամադրած ամերիկաբնակ պոլսահայ ուսումնասիրող Գևորգ Հակոբյանին:
Akunq.net
Leave a Reply