Փետրվարի 4-ին լրանում է պոլսահայ հայտնի գրող Զապել Եսայանի ծննդյան 139-րդ տարեդարձը

Փետրվարի 4-ին լրանում է պոլսահայ հայտնի գրող, հայ որբերի հավաքագրմամբ զբաղված միսիոներ և արևմտահայ կանանց համար պայքարի ու կանանց իրավունքների պաշտպանության խորհրդանիշերից մեկը համարվող Զապել Եսայանի ծննդյան 139-ամյակը:

Զաբել Եսայանը ծնվել է 1878 թ. Ստամբուլում: 1892 թ.ավարտել է Ստամբուլի Սկյուտար հայաշատ թաղամասի Սուրբ Խաչ վարժարանը, այնուհետև Փարիզում մասնակցել է Սորբոնի և Քոլեջ դը Ֆրանսի գրականության ու փիլիսոփայության դասընթացներին։
Եսայանը 1908 թ. վերադարձել է Կ.Պոլիս և Ադանայի ջարդերից հետո ստեղծված պատվիրակության կազմում 1909 թ. մեկնել Կիլիկիա, այնուհետև՝ «Ազատամարտ» թերթում տպագրել հոդվածներ այդ աղետի մասին։ Եսայանը Կիլիկիայի հայության այս ողբերգությունը նկարագրել է «Ավերակներու մեջ» (1911) գրքում, ինչպես նաև` «Անեծքը» (1911) և «Նոր հարսը» (1911) պատմվածքներում։

1915-ին խույս տալով ձերբակալությունից՝ ապաստանել է Թիֆլիսում, ավելի ուշ՝ Եղեռնի մասին հիշողություններ է հրատարակել Բաքվի «Գործ» ամսագրում։

http://www.tert.am/am/news/2017/02/04/zabel-yesayan/2269109