Թուրքիայի բողոքական եկեղեցիների միությունը 2016 թ. վերաբերյալ զեկույց է հրապարակել։
Թուրքական Cumhuriyet-ի փոխանցմամբ՝ Թուրքիայում 2016 թ. աճել են բողոքական եկեղեցու ու քրիստոնյաների նկատմամբ ճնշումներն ու սպառնալիքները։ Զեկույցում հիշատակվել են Ամանորին ընդառաջ Սուրբ Ծննդի ու ձմեռ պապի դեմ ելույթներն ու բռնություն պարունակող փողոցային ներկայացումները։
Անհանգստացնող հանգամանք է համարվել, որ ահաբեկիչներին պատկանող թաքստոցներից հայտնաբերված Աստվածաշունչը, որպես «ահավոր վատ» բան, օրեր շարունակ ներկայացվել է լրատվամիջոցներով:
Բացի այդ, նշվել է, թե դպրոցներից մեկում իսլամի դասին մասնակցել չցանկացող քրիստոնյայից որպես ապացույց մկրտության վկայական են ուզել։
Leave a Reply