Պոլսո հայոց պատրիարքարանում հոգեւորականների թվի պակասը խնդրի առաջ է կանգնեցրել ստամբուլահայ համայնքին։
Ստամբուլի հայկական «Ակօս» շաբաթաթերթն անդրադարձել է Սուրբ ծննդյան ընդունելության ժամանակ Պոլսո պատրիարքական ընդհանուր փոխանորդ, արք. Արամ Աթեշյանի այն հայտարարությանը, թե եւս 3 հոգեւորական տարբեր պատճառներով դադարեցրել է հոգեւոր ծառայությունը։
Այս փաստը ստիպել է «Ակօս»-ին ուսումնասիրել հոգեւորականներ պատրաստելու գործընթացը՝ զրուցելով Պոլսո պատրիարքարանի հոգեւորականներից Զաքեւոս Օհանյանի հետ։ Վերջինս շեշտել է, որ Թուրքիայի տարածքում հոգեւորականներ պատրաստելու համար կրթօջախ չունենալը եկեղեցու համար նույնն է, ինչ թռչունն` առանց մի թեւի։
Իր հերթին Հայր Կորյուն Ֆեներջյանն էլ նշել է, թե հոգեւորականի թեկնածուին կրթելու համար պետք է ուղարկել Էջմիածին կամ Երուսաղեմ։
Leave a Reply