ԵՐԵՒԱՆ, «Թերթ».- Թուրքիոյ ընդդիմադիր Ժողովուրդներու ժողովրդավարական կուսակցութեան անդամ, խորհրդարանի հայ պատգամաւոր Կարօ Փայլան յայտարարած է, որ թրքական իշխանութիւնները պոլսահայ լրագրող, «Ակօս» հայկական թերթի հիմնադիր եւ խմբագիր Հրանդ Տինքի սպանութեան գործով դատավարութիւնը դարձուցած են տարբեր խմբաւորումներու հետ իրենց հաշիւները պարզելու գործընթաց:
Ըստ թրքական «Տեմոքրաթհապեր» կայքին՝ Փայլան նշած է, որ սպանութեան գործի վարագոյրը ամբողջութեամբ դեռ չէ բացուած:
«Որոշ ժամանակ մը այդ դատավարութիւնը կ՛օգտագործէին էրկենեքոնականները բանտ նետելու համար, հիմա՝ կիւլենականները: Մենք պէտք է ներողութիւն խնդրենք Տինքէն, քանի որ նման յանցագործութիւնները դեռ կը շարունակուին այն պատճառով, որ մենք չկրցանք վերականգնել արդարութիւնը յանուն անոր յիշատակին», ըսած է Փայլան:
Asbarez.com
Leave a Reply