Թուրքիայի քրդամետ Ժողովրդադեմոկրատական կուսակցության համանախագահ Սելահաթթին Դեմիրթաշը, որն անազատության մեջ է գտնվում նոյեմբերի 4-ից, բանտից նամակ է հղել պոլսահայ լրագրող, «Ակօս» հայկական թերթի հիմնադիր և խմբագիր Հրանտ Դինքի մահվան 10-րդ տարելիցի կապակցությամբ:
«Ցավոք, անցնող 10 տարիների ընթացքում չկարողացանք մեր երկիրը դարձնել ազատ երկիր, այդ իսկ պատճառով Հրանտի առաջ ամոթով ենք մնացել: Սակայն մենք ծնկի չենք եկել», – գրել է Դեմիրթաշը և ներողություն խնդրել Դինքի ընտանիքից, որ բանտում գտնվելու պատճառով չի կարողանա այս տարի մասնակցել Հրանտ Դինքի հիշատակին նվիրված միջոցառումներին:
Դեմիրթաշը նշել է, որ իրենք շարունակում և շարունակելու են ապրեցնել Դինքի պայքարն ու արդարություն փնտրելուն ուղղված ջանքերը:
«Ախպարիկ, կարոտում ենք, սակայն մեր գլուխը բարձր է, այնպիսին ենք, ինչպես որ կուզեիր մեզ տեսնել», – եզրափակել է Դեմիրթաշը:
http://www.tert.am/am/news/2017/01/19/demirtas-hrant-dink/2253161
Leave a Reply