Թուրքիան պատրաստվում է Հայաստանի հետ սահմանին պատ կառուցել

Թուրքական մամուլում տեղ գտած հրապարակումների համաձայն՝ Թուրքիան Հայաստանի և Իրանի հետ իր սահմանները պատրաստվում է պարսպապատել: Ներկայում նմանատիպ պատ կառուցվում է թուրք–սիրիական սահմանին:

Թուրքական «T24» լրատվական կայքի տեղեկացմամբ՝ երկրի քաղաքական կուլիսներում տարվող քննարկումների համաձայն, Թուրքիայի Պաշտպանության և Ֆինանսների նախարարությունների համատեղ նախաձեռնությամբ հայ-թուրքական սահմանը կպարսպապատվի Արդահան, Կարս և Իգդիր քաղաքների կողմից։

Ըստ աղբյուրի՝ Թուրքիան հարևանների հետ իր սահմանները պարսպապատում է ահաբեկչության և մաքսանենգ ճանապարհով սահմանախախտումների դեմ պայքարի շրջանակներում։

Նշենք, որ ներկայում թուրք-սիրիական սահմանին կառուցվող բետոնե պատը ունի 3 մետր բարձրություն իսկ վերին հատվածում այն պատված է փշալարերով։

http://www.ermenihaber.am/am/news/2017/01/11/%D4%B9%D5%B8%D6%82%D6%80%D6%84%D5%AB%D5%A1-%D5%BA%D5%A1%D5%BF/96952