«Քրիստոս ծնաւ եւ յայտնեցաւ, ձեզի մեզի մեծ աւետիս». Փայլանի շնորհաւորանքը Թուրքիոյ խորհրդարանի ամպիոնէն

ՊՈԼԻՍ.- Թուրքիոյ խորհրդարանի հայ պատգամաւոր Կարօ Փայլան յունուար 5ին, խորհրդարանին մէջ ունեցած իր ելոյթը աւարտեց հայերէն արտայայտութեամբ:

Փայլան առաջարկեց բոլորին միասնաբար շնորհաւորել Յիսուս Քրիստոսի Ծննդեան տօնը՝ Թուրքիոյ խորհրդարանի ամպիոնէն հնչեցնելով հայ հաւատացեալներուն կողմէ օգտագործուող «Քրիստոս ծնաւ եւ յայտնեցաւ, ձեզի մեզի մեծ աւետիս» խօսքերը:

Ելոյթին տեսագրութիւնը տեղադրուած է պատգամաւորի դիմատետրի էջին վրայ:

Asbarez.com