Ստամբուլի հայերն Ամանորի տոների մեկնարկը տվել են ավանդական անուշապուրի պատրաստմամբ

Ստամբուլի հայ համայնքն ամանորյա տոների մեկնարկը տվել է Ստամբուլում գործող Հայկական մշակույթի կենտրոնում ավանդական անուշապուրի պատրաստմամբ, այս մասին գրում է թուրքական «Անադոլու» գործակալությունը:
Տոնական միջոցառմանը ներկա են գտնվել արմատներով դերսիմցի, սեբաստացի, սասունցի, կեսարացի և Արևմտյան Հայաստանի այլ գավառներից բազմաթիվ հայեր, որոնք համատեղ ջանքերով են կազմակերպել տարվա վերջին միջոցառումը:
Համայնքի ներկայացուցիչները թուրք լրագրողներին հյուրասիրել են նաև ընդեղեն և տաք կարմիր գինի:
Հայկական մշակույթի միության նախագահ Մարսել Բալչըքը լրատվական գործակալության լրագրողներին պատմել է Ամանորն ու Սուրբ Ծնունդը նշելու հայկական ավանդույթների և նոր տարուց իրենց սպասելիքների մասին:
Անուշապուրը հայկական քաղցրավենիք է, որը պատրաստում են ցորենով, ընդեղենով, նռան հատիկներով , չամիչով ու ծիրանի չրով:

http://www.tert.am/am/news/2016/12/27/istanbul-armenians/2236271