Թուրքիայի Կայսերի (պատմական Կեսարիա) քաղաքում վաճառքի է հանվել հին հայկական իջևանատուն:
Թուրքիայում անշարժ գույքի վաճառքով զբաղվող Emlakjet.com կայքը հրապարակել է պատմական կառույցի լուսանկարներն ու հայտարարություն տարածել իջևանատան՝ վաճառքի հանվելու մասին:
«Իսկապես հոյակապ պատմական հայկական իջևանատունը վաճառվում է անմիջապես տիրոջից». հենց այսպես են թուրքերը գովազդում նախկինում կեսարացի հարուստ հայ գերդաստաններից մեկին պատկանող կառույցը: Թե ո՞վ է շենքի «նոր» տերը՝ չի մանրամասնվում:
Կայքում հրապարակված և դեռևս 2011թ. արված լուսանկարներից երևում է, որ այս տանը երկար ժամանակ ոչ ոք չի ապրել:
470ք/մ տարածք և 4 հարկ ունեցող շենքի համար «տերը» պահանջում է 150 000 ԱՄՆ դոլար:
Կայքում ժամեր առաջ տեղադրված հայտարարությունն արդեն դիտվել է հարյուրավոր մարդկանց կողմից:
http://www.tert.am/am/news/2016/12/16/kesaria-armenians/2226017
Leave a Reply