ԵՐԵՒԱՆ, «Էրմենիհապեր».- Թուրքիոյ Քոնիա քաղաքին մէջ, մօտաւորապէս 150 ազգայնամոլներ դեկտեմբեր 13ի երեկոյեան յարձակած են քրտամէտ Ժողովուրդներու ժողովրդավարական կուսակցութեան նահանգային կառոյցի գրասենեակին վրայ:
Ըստ «Սի.Էն.Էն. Թիւրք» կայանին՝ ազգայնամոլներու խումբը ջարդած է գրասենեակին դռները, խուժած է ներս ու քարերով եւ փայտերով վնաս հասցուցած է գրասենեկին, ապա նաեւ փորձած է հրդեհի տալ գրասենեակը, սակայն հրշէջները կրցած են անմիջապէս մարել բռնկած կրակը:
Շէնքի ներսի պատին վրայ ազգայնամոլները գրած են. «Մենք եկանք, դուք չկայիք»:
Դէպքի վայր ժամանած ոստիկանութիւնը շէնքի տարածքէն հեռացուցած է խումբը: Յայտնի չէ, եթէ ձերբակալութիւններ կատարուած են, թէ՝ ոչ։
Asbarez.com
Leave a Reply