Հալեպի ազատագրմամբ վրդովված թուրք ակադեմիկոսը սպառնացել է Թուրքիայի ալևիներին

Թուրք ակադեմիկոս Աբդուլքադիր Շենը Սիրիայի բանակի կողմից Հալեպի ազատագրումից հետո Թուրքիայում ապրող ալևիներին սպառնացող աղմկահարույց հայտարարություն է արել, որը լայն արձագանք է գտել թուրքական լրատվամիջոցներում:

«Էյ, Հալեպում երեխաներին, կանանց և խաղաղ բնակիչներին վախկոտի պես ռմբակոծող ռեժիմին աջակցող աղանդավորներ, այս հողերում ձեզ նոր «Մալազգիրտ» է սպասվում», – գրել է ազգայնական ակադեմիկոսը:

Այս մասին հաղորդում է թուրքական «Ջումհուրիյեթ» պարբերականը:

Շենը նկատի է ունեցել 1071թ. Մանազկերտի հայտնի ճակատամարտը, որը Փոքր Ասիայում հաստատվել ձգտող սելջուկ-թուրքերի և բյուզանդական զորքերի միջև պատմական ընդհարումն է և պատմագրության մեջ նշվում է որպես թուրքական իշխանության պաշտոնական մուտք Փոքր Ասիա:

http://www.tert.am/am/news/2016/12/14/aleppo-alawi-abdulkadir/2223593