Լրագրողների պաշտպանության կոմիտեի (ԼՊԿ) հրապարակած տվյալների համաձայն՝ 2016թ. ընթացքում ամբողջ աշխարհում ազատությունից զրկվել է ամենահամեստ հաշվարկներով 257 լրագրող, այս ցուցակում բացարձակ ռեկորդակիր է Թուրքիան, որտեղ տարվա ընթացքում բանտարկված լրագրողների թիվը հասնում է 81-ի: Այս մասին գրում է ամերիկյան The New York Times-ը:
Հիշեցնենք, որ հոկտեմբերի 31-ին Թուրքիայի ոստիկանությունն Անկարայում հատուկ գործողություն էր իրականացրել ընդդիմադիր «Ջումհուրիյեթ» թերթի աշխատակիցների դեմ: Խուզարկություններ էին իրականացվել թերթի տնօրենի, խմբագիրների և մի շարք սյունակագիրների տներում: Ձերբակալված է նաև թերթի գլխավոր խմբագիր Մուրադ Սաբունջուն:
Այս առիթով Եվրախորհրդարանի նախագահ Մարտին Շուլցը քննադատել էր Թուրքիայի իշխանություններին և կոչ արել նախագահ Ռեջեփ Թայիփ Էրդողանին հետ կանգնել բռնած ուղուց և բռնել Եվրոպայի՝ ժողովրդավարության ուժեղացման համար Թուրքիային մեկնած ձեռքը:
Թուրքիան այս տարի լրագրողների ձերբակալության հարցում համաշխարհային ռեկորդ է սահմանել. The New York Times
•
Leave a Reply