Քադիր Հաս համալսարանի ռեկտոր Մուստաֆա Այդընի մատուցմամբ` «Թուրքիայում հետաքրքրություն կա»:
«Թուրք երիտասարդների մոտ որոշակի հետաքրքրություն կա Հայաստանի նկատմամբ: Եթե փողոցում ուղղակի որեւէ մեկին մոտենաս-հարցնես` չեմ կարծում, որ հետաքրքրություն ցուցաբերեն, բայց առավել կարեւոր է, եթե ծրագրեր լինեն, երիտասարդներին առաջարկես, որ հնարավորություններ գոյություն ունեն, կարելի է մասնակցել եւ անձնական փորձառություն ձեռք բերել: Այդ դեպքում, կարծում եմ, հետաքրքրվածներ կլինեն ու կմասնակցեն»,-«Առավոտ»-ի հետ զրույցում նշեց Ստամբուլի Քադիր Հաս համալսարանի ռեկտոր Մուստաֆա Այդինը:
Այնուհետեւ մեր զրուցակիցը ուշագրավ տեղեկություն հայտնեց. «Օրինակ` մեր համալսարանում կան մի շարք լեզվական ծրագրեր, եւ դրանցից մեկը հայոց լեզվի դասընթացն է: Իրականում ոչ ոք չէր պահանջել, որ մենք դա անեինք, բայց չորս տարի առաջ մենք բացեցինք այդ առարկան, եւ այդ ժամանակվանից մինչեւ հիմա հայերենի դասընթացները մշտապես լեփ-լեցուն են անցնում: Այսինքն, հետաքրքրություն կա»: Ստամբուլի Քադիր Հաս համալսարանի ռեկտոր Մուստաֆա Այդընի հետ բացառիկ հարցազրույցը կարդացեք դեկտեմբերի 13-ի տպագիր «Առավոտ»-ում:
ԷՄՄԱ ԳԱԲՐԻԵԼՅԱՆ
http://www.aravot.am/2016/12/12/836482/
Leave a Reply