Ինչ է նշանակում Թուրքիայում կրել հայկական, հունական կամ հրեական անուն. Ստամբուլում խնդրին նվիրված գիրք է լույս տեսել

Ստամբուլում բնակվող հրեա հեղինակ Ռիտա Էնդերն իր նոր` «Ապրել իր անունով» գրքում անդրադառնում է Թուրքիայում բնակվող կրոնական ու ազգային փոքրամասնությունների`ոչ թուրքական անուններ ունենալու պատճառով ունեցած խնդիրներին:
Ստամբուլում գործող «Շալոմ» հրեական պարբերականին տված հարցազրույցում Ռիտան պատմում է, որ իր գրքի 45 հերոսները բոլորն էլ տեղացի են, սակայն ոչ թուրքական անունների պատճառով «օտար» են որակվում հասարակության կողմից:
Գրքում հեղինակն իր հերոսների միջոցով պատմում է, թե ինչպիսի հարցերի և խնդիրների են Թուրքիայում բախվում հայկական, հունական, հրեական կամ, առհասարակ, ոչ մահմեդական անուններ կրող անձինք:
Նրա խոսքով`յուրաքանչյուրը գտել է այս իրավիճակը հաղթահարելու տարբեր միջոցներ, օրինակ` Ավրաամ անունը գուցե խուսափում են դնել, բայց դրա փոխարեն «Ա» տառով որոշակի նոր անուններ են «կոդավորում». Ավի, Արի, Ալբի…

http://www.tert.am/am/news/2016/12/02/turkey/2210928