1923 թ. կնքված Լոզանի խաղաղ պայմանագրի վերաբերյալ Թուրքիայի նախագահ Ռեջեփ Թայիփ Էրդողանի հայտարարությունը ծայրաստիճան կտրուկ արձագանք է առաջացրել Հունաստանում. պայմանագրի քննադատությունը Հունաստանի ԱԳՆ–ն գնահատել է որպես երկու երկրների միջեւ սահմանները կասկածի տակ դնելու ու տարածքային պահանջի փորձ հունական կղզիների նկատմամբ:
Հունաստանի ԱԳՆ-ն պահանջել է հարգել 1923թ. համաձայնագիրը՝ ասելով, որ ոչ ոք, այդ թվում Անկարան, չի կարող չճանաչել Լոզանի պայմանագիրը, ինչպես եւ ամբողջ միջազգային իրավունքը:
Էրդողանի հայտարարությունը բուռն արձագանք է առաջացրել հունական լրատվամիջոցներում: Թուրքիայի ղեկավարությունը ժամանակակից պատմության մեջ առաջին անգամ կասկածի տակ է դնում Լոզանի խաղաղ պայմանագիրը, հայտնում է «ՌԻԱ Նովոստին»:
Հունաստանի կուսակցությունները համարում են, որ Թուրքիայի նախագահը պատահաբար չէ հենց այս պահն ընտրել իր հայտարարության համար, հաշվի առնելով, որ հիմա աշխուժացել են բանակցությունները կիպրյան խնդրի շուրջ, ու լուծվում է փախստականների հարցը, որոնք Թուրքիայի տարածքից ԵՄ են ուղեւորվում:
Leave a Reply